今年的十二月除了是聖誕月， 也是香港甲一籃球聯賽暫停兩年後，為配合國際賽期，再次重啟賽季的日子。各位甲一球員或者不太習慣在球季期間邊練習邊比賽邊過聖誕，但唯獨 #東方龍獅 的各位球員早已習已為常。
肺炎疫情爆發前，同時競逐東南亞職業籃球聯賽（ABL）及本地甲一聯賽錦標的 #東方 ，於十一月初就理應進入ABL常規賽賽季，十二月正正是球隊奔走於主客賽場之間的時期。難得今季終於清閒下來不用遠征奔波，只需要好好專注應付本土聯賽，東方於銀牌賽交出的成績卻不如預期，先後敗於 #南華 #永倫 之手，更令球迷意想不到的是，東方要與福建戰至加時才驚險勝出。
闊別兩年，東方人腳變動不少。 #鍾俊昇 #劉子禮 #鄧志恆 等先後離巢， #蕭鍵勳 則北上挑戰CBA暫時離隊。因應甲一居港球員限制，外援只剩 Brandis Raley-Ross（ #拉利羅斯 ）獨擔大旗，加上 #李琪 今季分身重回校園執起教鞭，隊長重責改由 #陳兆榮 及 #徐遠成 共同承擔。
球隊空缺加入了 #卜聿揚 #蘇利文 等青訓球員，同時亦從菲律賓找來港籍的 #迪維拉 試操然後簽約，而經歷完十字韌帶撕裂的 #胡卓斌 亦傷癒復出正式重回名單中。新球員陣容以外，不得不提今年二月才走馬上任的新教球頭積高・柏利斯域（Zeljko Pavlicevic）。
徐遠成 “We’re a young team, we’re a new team, I think, on a whole, we are pretty new team, new coach.”
新教練 #柏利斯域 履歷亮眼，曾被FIBA選為過去50年歐籃聯賽最佳教練20人之一，更於2003-06年間擔任日本國家隊教練。柏利斯域年初接掌東方虎符之際，無論ABL或本土聯賽均未有復賽計劃，當時東方有足夠時間韜光養晦，新教練亦銳意以長遠計劃重建東方，除協助年輕球員建立信心及風格外，他亦希望以自己過去的籃球閱歷啟發球員，充分發揮出他們百分百的潛力。
積高・柏利斯域（Zeljko Pavlicevic） “I know, we will show our advance, good fighting spirit, good quality. These players are getting much better day-by-day. That is what we need, because this team we need to build, not for one season, for longer time. This means Simba, Leeki and Kahin and Sulai, and Ben and Adam, they will show full quality, after maybe 1 season, maybe even 2 seasons.”
然而計劃趕不上變化，即使疫情仍未完全過去，球壇不能無止境等待。嘗試在各種防疫限制下舉行的銀牌賽得以順利完成，亦意味著柏利斯域的任務從「重建東方培訓球員作長遠發展」，剎時變成「以球隊現有陣容及球員能力調兵遣將衝冠」。東方在銀牌賽成績未如理想原因大概於此，畢竟「衝冠」除了「知己」，「知彼」同樣重要，柏利斯域必須在短時間內了解各支本地球隊的球風，然而現存的數據大多是兩年前的舊資料，最新且又可供參考的賽事又太少。
「知彼」需要隨著聯賽進行慢慢累積，幸而，在「知己」後再作針對性補強這方面的工作東方早已努力中，過往東方「小球球風」容易陷入瓶頸，當外圍幾支重炮「啞火」，單一板斧容易令球隊陷於劣勢。且本土球員太習慣有外援單打，少有主動策攻的慣性，傳球之後就彷如完成任務，使籃球的移動不足，對手防守亦容易跟上。今季東方矢志改變內線弱勢，新星卜聿揚（Simba）於銀牌賽表現雖然青澀，但發揮絕對可圈可點。
卜聿揚 「我覺得自己算準備好，因為我都喺呢度訓練咗好耐。自己都會做啲額外野，因為可能都知自己身體力量上，或者對抗性比較弱，自己都有針對加強吓。籃球技術方面，自己都有喺自己不足嘅地方加強吓。因為我好遲先開始打籃球，基本動作，籃球場上基本動作都唔足夠，因為比起其他人，佢地細過我好多就開始打籃球。」
東方銀牌賽遇上過南華、永倫等本土班霸，起步雖然比別人遲的Simba分別與經驗豐富的惠龍兒、賀斯福等高中鋒對位，但這位「初生之犢」敢於嘗試，賽後連對手Duncan 亦大讚他的潛力。
卜聿揚 「因為之前喺台灣，自己有跟泰山高中去唔同國家友誼賽集訓，其實甚至我有對過啲仲高過我嘅球員，都唔算未對過，所以都心裡有數。」
Simba聯手胡卓斌大大加強內線實力，亦令東方內外線進攻比例更平衡。連鎖效應下，當球隊內線夠強對手不得不收窄防線，外圍射手亦有更充裕時間起手，相輔相成。而一眾外圍球員亦已準備就緒，李琪今季的變數未見負面影響。
李琪 「因為我經驗已經有，年輕球員係需要練多啲打多啲，佢地係需要經驗，但我係需要，只要我個體能keep到喺呢個強度，我已經可以喺比賽度發揮到，咁我體能方面，我反而而家會多咗時間做gym同跑步，我會同學生去朝頭早跑步，我放學啲時間去做gym，相對以前我做gym同跑步多咗，所以我感覺上係fit左嘅。」
陳兆榮 「球隊目標一定係首先入前四，之後入決賽，呢個係一定嘅目標啦。再去睇下我地可以走得幾遠，因為教練都同我地咁樣講，話我地所有人，磨合嘅時間，有新嘅有舊嘅，始終都要啲時間，我地慢慢都見到成效，但最終嘅outcome，最終嘅成效仲未睇到，仲未做得好好，仲要啲時間，希望去到大概四強時，就會睇到個成果出黎。」
內外兼修的陣容雛形已成，球隊目標亦相當清晰，能否藉著疫情停頓的時間轉型成功，球迷可拭目以待多入場欣賞東方的賽事，方可更完整地見證這支重建後的東方一場比一場進步的過程。
球員名單： #0 吳松峻 @ngchungtsun #3 李琪 @leeki #5 拉利羅斯 @braleyross #6 陳翊麟 @jameschan10 #8 陳兆榮 @siuwing_8 #10 楊睿騏 @y_ricky10 #11 梁嘉顯 @leungkahin_ #13 卜聿揚 @simbapok #16 徐遠成 @iamadamxu #28 迪維拉 @j05huadv #30 胡卓斌 @cheukpanwu #35 蘇利文 @sheikh_sulaiman _ Christine Yu 余莉筠 Shotcourt Photography #支持本地籃球 #籃球種族實地報導 #香港籃球 #甲一聯賽 #籃球種族 #ReporterYLK #ShotCourt #hkbasketball #basketball #eastern #easternlonglions #basketballclanhk # # 東方龍獅籃球隊 Eastern Long Lions Basketball Team
Comments